( كتر الفرجة على التليفزيون هاتجيب لك تخلف عقلى )
كلمة سمعتها اكتر من مرة و على لسان اكتر من حد غالى عليا و عزيز على قلبى جدااااا
بس برضه مش باقدر ابطل فرجه على التليفزيون و مش بس كده
ده انا اكاد اجزم انى لازلت اتمتع بكامل قواى العقلية لأ و مهاراتى الذهنية فى تطور مستمر كمان
طبعا انا مش عاملة الموضوع علشان اتغزل فى قدراتى العقلية
بس دى مقدمة لابد منها لأن اللى اوحى لى بفكرة الموضوع هو فيلم عربى كنت قاعدة باتابعه بما انى فاضية و ما واريش حاجة غير التليفزيون طبعا
المهم الفيلم هو فيلم ((( المراكبى )))
الفيلم للى ما شافهوش قبل كده بطولة معالى زايد و صلاح السعدنى و بيحكى عن صياد اتولد و عاش عمره كله فى النيل على مركب و اتجوز و خلف كمان فى نفس المركب
و مشكلة الصياد ابتدت لما حب يدخل ابنه المدرسة وقتها اضطر يخرج من النيل و يصطدم بالأسفلت
عارفه ان كلنا مسحولين على الأسفلت و مش ناقصين بلاوى
بس مشكلة الصياد انه كان ساقط قيد و كان لازم يطلع شهادة ميلاد علشان يعرف يدخل ابنه المدرسة و بما انه ما يعرفش اتولد سنة كام كان لازم يسننوه
و علشان يتسنن اتعرض على لجنة ابتدت تناقشه علشان تعرف سنه الحقيقى
و هى دى بقى الفكرة اللى عايزة اناقشها معاكم ( التسنين )
يعنى صلاح السعدنى فى الفيلم علشان يناقشوه سألوه شوية أسئلة علشان يقدروا يعرفوا عمره
زى عاصرت مين من الزعماء الملك و لا محمد نجيب و لا عبد الناصر و لا السادات
طب ايه الاحداث السياسية اللى مريت بيها زى الثورة و حرب اكتوبر
الكورنيش اتبنى سنة كام
انا طبعا شغلت الخيال و قعدت اتخيل لو الجيل بتاعى ( الثمانينات ) حبوا يسننوه هانتسنن بأيه
مين الريس اللى عاصرتوه
هو واحد ما شوفناش غيره
حتى لو اتسننا كمان 20 سنة برضه هايفضل مبارك
و ربنا يخلى لنا جيمى بقى
ما هو لسه صغير والمستقبل قدامه كبير
طب ايه أهم الاحداث اللى مرت عليكم و عاصرتوها فى البلد
هما كانوا بيسألوه عن انتصارات
انا شخصيا الانتصار الوحيد اللى حصل على ارضنا و شوفته بعينى كان انتصار 2006
لما اخدنا كاس الأمم الافريقية
لأ و شوفت تمثال رمسيس و هو بيتنقل كمان
أه و شوفت زاهى حواس و هو بيدخل البتاع الروبوت ده فى الهرم
( مفيش ايموشن بيحرك بقه و يمين و شمال من الغيظ )
لا بجد يا جماعه الجيل المسكين بتاعى و الناس اللى جم بعدنا لو جم يسننونا مش هاقول دلوقتى بس
لأ كمان 20 سنة كمان يا ترى هايلاقوا اى انجازات فى تاريخهم يقدروا يذكروها
انا لحد دلوقتى ما شفتش
بس نفسى كمان كام سنة يبقى فيه
ما هو يا اما كده
يا اما كل واحد يخلى باله من شهادة ميلاده لحسن مش هايلاقوا حاجة يسننوكم بيها
اصل الحكومة لما تحب تسننكم مستحيل تسألكم على الكوارث اللى مرت عليكم و احنا و الحمد لله ما بنشوفش غيرها بقالنا سنين
قطار الصعيد اللى اتحرق
حادثة الدويقة
العبارة اللى غرقت ..... الخ الخ
كل دى احداث لازم تنمحى من تاريخكم لأن الحكومة ما بتعترفش بيها و مش هاتسننكم على أساس تواريخها !!!!!
كلمة سمعتها اكتر من مرة و على لسان اكتر من حد غالى عليا و عزيز على قلبى جدااااا
بس برضه مش باقدر ابطل فرجه على التليفزيون و مش بس كده
ده انا اكاد اجزم انى لازلت اتمتع بكامل قواى العقلية لأ و مهاراتى الذهنية فى تطور مستمر كمان
طبعا انا مش عاملة الموضوع علشان اتغزل فى قدراتى العقلية
بس دى مقدمة لابد منها لأن اللى اوحى لى بفكرة الموضوع هو فيلم عربى كنت قاعدة باتابعه بما انى فاضية و ما واريش حاجة غير التليفزيون طبعا
المهم الفيلم هو فيلم ((( المراكبى )))
الفيلم للى ما شافهوش قبل كده بطولة معالى زايد و صلاح السعدنى و بيحكى عن صياد اتولد و عاش عمره كله فى النيل على مركب و اتجوز و خلف كمان فى نفس المركب
و مشكلة الصياد ابتدت لما حب يدخل ابنه المدرسة وقتها اضطر يخرج من النيل و يصطدم بالأسفلت
عارفه ان كلنا مسحولين على الأسفلت و مش ناقصين بلاوى
بس مشكلة الصياد انه كان ساقط قيد و كان لازم يطلع شهادة ميلاد علشان يعرف يدخل ابنه المدرسة و بما انه ما يعرفش اتولد سنة كام كان لازم يسننوه
و علشان يتسنن اتعرض على لجنة ابتدت تناقشه علشان تعرف سنه الحقيقى
و هى دى بقى الفكرة اللى عايزة اناقشها معاكم ( التسنين )
يعنى صلاح السعدنى فى الفيلم علشان يناقشوه سألوه شوية أسئلة علشان يقدروا يعرفوا عمره
زى عاصرت مين من الزعماء الملك و لا محمد نجيب و لا عبد الناصر و لا السادات
طب ايه الاحداث السياسية اللى مريت بيها زى الثورة و حرب اكتوبر
الكورنيش اتبنى سنة كام
انا طبعا شغلت الخيال و قعدت اتخيل لو الجيل بتاعى ( الثمانينات ) حبوا يسننوه هانتسنن بأيه
مين الريس اللى عاصرتوه
هو واحد ما شوفناش غيره
حتى لو اتسننا كمان 20 سنة برضه هايفضل مبارك
و ربنا يخلى لنا جيمى بقى
ما هو لسه صغير والمستقبل قدامه كبير
طب ايه أهم الاحداث اللى مرت عليكم و عاصرتوها فى البلد
هما كانوا بيسألوه عن انتصارات
انا شخصيا الانتصار الوحيد اللى حصل على ارضنا و شوفته بعينى كان انتصار 2006
لما اخدنا كاس الأمم الافريقية
لأ و شوفت تمثال رمسيس و هو بيتنقل كمان
أه و شوفت زاهى حواس و هو بيدخل البتاع الروبوت ده فى الهرم
( مفيش ايموشن بيحرك بقه و يمين و شمال من الغيظ )
لا بجد يا جماعه الجيل المسكين بتاعى و الناس اللى جم بعدنا لو جم يسننونا مش هاقول دلوقتى بس
لأ كمان 20 سنة كمان يا ترى هايلاقوا اى انجازات فى تاريخهم يقدروا يذكروها
انا لحد دلوقتى ما شفتش
بس نفسى كمان كام سنة يبقى فيه
ما هو يا اما كده
يا اما كل واحد يخلى باله من شهادة ميلاده لحسن مش هايلاقوا حاجة يسننوكم بيها
اصل الحكومة لما تحب تسننكم مستحيل تسألكم على الكوارث اللى مرت عليكم و احنا و الحمد لله ما بنشوفش غيرها بقالنا سنين
قطار الصعيد اللى اتحرق
حادثة الدويقة
العبارة اللى غرقت ..... الخ الخ
كل دى احداث لازم تنمحى من تاريخكم لأن الحكومة ما بتعترفش بيها و مش هاتسننكم على أساس تواريخها !!!!!
انت مش لسه جايب واحد فى العيد
