الحلقة الأولى ( عمليات التجميل )
انتى يا ست هانم قومى ردى عليا ما تعمليش نفسك نايمة
عايز ايه يا اشرف
قومى يا هانم كلمينى زى ما باكلمك
ادينى قومت عايز ايه بقى
فين الشرابات النضيفه يا ست هانم
يعنى انت مصحينى من احلاها نومه علشان تسألنى عن شراباتك
امال اسأل مين امى يعنى
يا اخى حرام عليك ده انا ما باصدق اتخمد
و انا مالى بالكلام الفارغ ده كله
اصطبحنا و اصطبح الملك لله . هانبتدى خناقة كل يوم الصبح . حد يقولى اعمل ايه فى الناس دى طيب
مالك ايه مش ابنك ده اللى سهرانه طول الليل بسببه و ما صدقت لسه نايم من ساعتين
و مادام انتى عارفه انى لسه متنيل نايم من ساعتين مش تخلى عندك دم و تاخديه و تطلعوا تتخانقوا بره
اه صحيح قبل ما انسى احب اعرفكم بنفسى انا ادم ابن اشرف و مها و كلها يومين و اكمل 9 شهور بالظبط ان شاء الله
انتى عايزة تجننينى . ما كل الستات بتخلف و بتعرف تاخد بالها من جوزها كويس و لا هى اللى تخلف تتطلق بقى
و الله يبقى احسن
هو ايه اللى احسن يا ست مها
يا نهار ابيض معلش يا جماعه مضطر اسكتهم لحسن الموضوع شكله هايكبر
انا اسف على الازعاج اللى هاعمله لكم بس غصب عنى و الله
عاجبك كده اديك صحيت الولد
انا برضه اللى صحيته و لا صوتك هو اللى صحاه
يا اخى حرام عليك بقى . معلش يا ميدو يا حبيبى حقك عليا انا يا قلبى . نام يا روح مامى خلاص
الحمد لله الخطة جابت نتيجة اكمل نومى بقى
فاتت ساعه و اتنين و تلاته و ادم نايم و مها صحيت تخلص اللى وراها
استغفر الله العظيم يا رب
يعنى لازم اعمل بى بى دلوقتى
حبك بعد النوم ما حلى فى عينى و كنت باحلم انى باكمل حلقة توم و جيرى اللى مالحقتش اكملها بسبب الماتش الزفت بتاع امبارح ده
انا لازم بعد ما اكبر احوش و اجيب تليفزيون
اه مش قادر طب امسك نفسى ازاى بس
يالا بقى ما بدهاش ما انتوا مش غرب . بس اللى بيقرف يطلع بره
ايه ده ماما مش فى الاوضه . معلش مضطر ازعجكم تانى علشان تيجي تغير لى . اصل بعيد عنكم ما باستحملش التسلخات
لامؤاخذه ما انتوا كنتوا عيال و فاهمين بقى
ايوه يا ادم جايالك يا حبيبى
ايه ده دى جايه ترضعنى
يا ادم ارضع بقى ما تغلبنيش ورايا شغل كتير
طب افهمها ازاى دى يا ستى انا مبلول . حد يقولى اقولها لها ازاى طب اعيط اكتر يمكن تفهم
مالك بس يا حبيبى . بطل عياط و ارضع يا بابا
يالهوى على دى وليه . انا مش جعان أنا مبلول يا حاجة
على فكرة انا ناوى لما اكبر اخترع بامبرز بيصفر اول ما يتبل
طب اعمل لك ايه . انت عند مغص و لا ايه
يا نهار اسود دى بتسألنى . ارد عليها ازاى
طب و النبى اى حد ابن حلال فيكم يقولها . هاموت يا ناس
ورينى كده يا ميدو تكونش مبلول يا حبيبى
ايوه كده . اخيرا فهمتنى يا وديع
غيرت البامبرز . انام شوية بقى
اهلا و سهلا يا ماما نورتينى
ربنا يخليكى يا حبيبتى . ازيك يا مها و ازاى اشرف و ازاى الواد الجردل
جردل لما يتكب على نافوخك . دى اكيد تيته مادام جردل تبقى هى . كنا ناقصينك احنا
استنى اصحيه لك يا ماما
صحيت يا اختى على صوت امك اللى عامل زى المدفع
ده صاحى اهوه و مفنجل عينيه يا مها
شوفى الواد و انا اللى باحسبه نايم
نايم ايه ده لئيم طالع لابوه . ازيك يا جردلاستغفر الله العظيم يا رب
على فكرة انا اول ما اكبر هاقتل الست دى . بس خلوا الكلام ده بينى و بينكم
قوليلى يا مها عامله ايه مع جوزك
و الله يا ماما كل يوم خناق و مشاكل لحد ما خلاص حاسه انى هاتجنن
هاقولك ايه مش ده اختيارك اللى صممتى عليه
خلاص يا ماما ما حدش بياخد اكتر من نصيبه
نصيب ايه و الله العظيم لو عايزه تطلقى منه اطلقك
لا يا ماما حرام علشان خاطر ادم
بلا ادم بلا بتاع
بتاع فى عينك
طب اطلقى انتى بس و انا اجوزك سيد سيده
ما اقدرش يا ماما . اشرف حبيبى برضه مهما حصل
براحتك
ماما معلش هاسيب لك ادم و اقوم اجيب له شوية رز ياكلهم لحسن ما اكلش حاجة من الصبح
ماشى يا حبيبتى . ايه يا ادم انت عارف تيته . ايه يا واد مالك متنح كده ما ترد
ردت الميه فى زورك
هو الواد ده ماله طالع تنح كده ليه
حرام عليكى يا ماما ده سكر . تعالى يا حبيبة امك لما تاكلى
ايه الطعم دهحد يدوق معايا كده . هو ده رز برضه يا ناس
ايه ده يا ميدو بتتف الأكل ليه يا حبيبى
فى ايه
مش عارفه مش عايز ياكل ليه
اغصبى عليه و اكليه بالعافيه
يا ولية يا مفترية خليكى فى نفسك
يا ميدو كل بقى ما تغلبنيش
يا بت ما تبقيش هبله . هاتى كده و انا أأكله
لالالالالالالالالالالالالالالا
يا نهار اسود . شايفه ابنك رجع الأكل عليا ازاى
معلش يا ماما . خلاص ان شا الله عنه ما كل سيبيه . انا هاقوم اعمل له سيريلاك و خلاص
سيريلاك ايه يا بت . اسلقى له بيضتين
يا لهوى بيض لأ ماباحبش البيض يا ناس
مش بيحبه و الله يا ماما
بيحب ايه و بيكره ايه هو الواد العبيط ده بيعرف يحب و يكره اكليه غصب عنه
الهى يغصبوا عليكى تاكلى المر
اسكتى يا ماما لما اضحكك عليه . مش اول امبارح عملت ملوخيه و اشرف قالى تعالى ندوقها له و فرح قوى و اكل منها
اه و الله كانت ملوخيه جميلة . اممممم طعمها لسه فى بوقى لغاية دلوقتى
ملوخية انتى مجنونه اوعى تدوقيها له تانى
ليه يا ماما
دى تجيب له اسهال يا حبيبتى
يا سلام . خلاص مش هاكلها له تانى
يا ناس حد يطرد الست دى من هنا . دى مستقصدانى
ماما هاقوم اغرف بقى و نتغدا سوا
لأ غدا ايه ده عماد اخوكى جاى ياخدنى علشان الحق احضر الغدا لابوكى
ايه ده عماد جاى
اه صلك وحشتيه انتى و ادم قوى
يعنى هو بيسأل علينا قوى
معلش يا حبيبتى . شغله مش سايب له فرصه يهرش . بس لما قولت له ان ادم قلب بقى كله شبهه و هو من ساعتها هايتجنن نفسه يشوفه
اه يا ماما ده كل اصحابى بيقولى لى كده برضه . كله عماد اخوكى
عماد مين ده اللى انا شبهه . يا رب يطلع أمور
اهلا يا عمده وحشتنى يا حبيبى
ازيك يا مها . وحشتينى و الله يا حبيبتى . فين بقى قرين خاله ده اللى بقى شبهى
اهوه قاعد مستنيك جوه مع ماما
ميدو حبيب قلبى
يا نهار اسود بقى انا شبه القرد ده مش ممكن الحقونى يا ناس
ايه ده مالك يا ميدو في ايه يا حبيبى
فى ايه يا مها هو ماله
انا عارفه . طب بص يا ميدو خالو جاب لك ايه . بترمى اللعبه ليه يا حبيبى
دبدوب ايه اللى جايبه لى الحقينى بمرايا
يا ابنى مالك بس
معلش يا مها احنا يادوب كده نلحق نروح لحسن ابوكى قرب يرجع من الشغل
ماشى يا ماما مع السلامه
سلام يا مها ابقى سلمى لى على اشرف بقى . سلام يا توأمى
يا نهار ابيض واضح ان الكلام بجد و انى شبهه فعلا . طب اعمل ايه . مافيش صورة يا ناس اشوف خلقتى فيها
حمد الله على السلامة يا اشرف
الله يسلمك يا مها . ادم عامل ايه
مش عارفه و الله يا اشرف بقى له ساعتين مش عايز يضحك و لا يرضع و ساكت
ساكت ليه ماله
مش عارفه تعالى شوفه كده ماحدش بيعرف يضحكه غيرك
ايه يا ميدو مالك
يووووووه و النبى تسيبونى فى حالى بقى
مالك يا ميدو مش بتضحك ليه
هو انت مخلف اراجوز . عايزنى كل شوية اضحك . بافكر يا بنى ادم بافكر
الله هو الواد ماله
انا عارفه
اقولهم ايه دول بافكر . باشوف هاجيب مصاريف عمليات التجميل منين
انا لازم من هنا و رايح اوفر كل قرش
مش هاكل سيريلاك تانى
و الزبادى مالهوش لزوم كفايه الرضاعه ما هو كله فى الاخر لبن
يبقى فاضل ايه تانى . البامبرز مش مشكله كفايه عليا اغير مرة واحدة الصبح و ابقى امسك نفسى باقى اليوم
بس معقول انا شكلى ملخبط قوى كده و انا اقول لما روحت للدكتور امبارح البت اللى كانت قاعده جنبى ما ضحكتليش ليه عندها حق بصراحه
ده انا فاضل لى ديل و ابقى قرد
و انا اللى كنت باقعد اتريق على بابا و ما كانش عاجبنى شكله و كان نفسى اطلع شبه سيمبا . اقوم اطلع كده ما حصلتش تيمون و بومبا حتى
على العموم انا هابتدى امشى على الميزانية الجديدة من بكرة ان شاء الله و ربنا يسهل و اقدر احوش فلوس العمليه على ما اجى ادخل الحضانه
لحسن انا لو دخلت بمنظرى ده مافيش حد هايرضى يبص لى و لا الداده حتى
يا مها حرام عليكى
فى ايه يا اشرف
الملح يا مها الرز غرقان ملح
و انا اقول ادم ما كانش راضى ياكله ليه
بقى هو الطعم الغريب اللى كان فى بقى ده كان ملح . طب كويس و ادى بند كمان وفرناه
من هنا و رايح مش هاكل ملح تانى لحسن طعمه وحش قوى
قوينا على التوفير يا رب
---------------------------------------------------
الحلقة الثانية ( فى بيت جدو )
ايه ده ايه ده ايه الهجوم ده
الحقونى يا ناس جيوش الأعداء بيهاجمونى
يا مها الحقينى يا اشرف انتوا فين يا ناس
انا خايف افتح عينى دول المخوفاتيه اللى بيهجموا عليا دول و لا مين
حد يلحقنى يا ناس
يا مها خلصتى و لا لسه كل ده بتغيرى له هدومه
يا اشرف ما هو اللى مخشب جسمه
يعنى حتى و هو نايم مش عارفه تغيرى له هدومه
طب انا راضى ذمتكم حد يصحى من النوم على الهجوم ده تغير لى هدومى و انا نايم ليه هو انا مسجون طب و الله لا انا معيط و منكد عليهم على الصبح
عاجبك كده اديكى صحتيه من النوم
احسن خليه يصحى و اهو بالمره ارضعه قبل ما ننزل
انتى لسه كمان هاترضعيه هو احنا فاضيين
لا حول ولا قوة الا بالله العلى العظيم يعنى هى جت عليا و ما بقيناش فاضيين
هو انت بترضى تنزل من غير ما تفطر و لا نسيت خناقة كل يوم الصبح الفطار يا مها هو فيه حد بينزل من بيته من غير فطار
ايه ده صحيح مادام مها بتغير لى يبقى اكيد احنا خارجين يا ترى هانروح فين
خلاص يا مها
ايوه خلاص ادم رضع هاكمل لبس بس و ننزل
يا رب يا مها تخلصى بسرعه انا فرحان قوى اننا هانخرج
هو انتوا هاتروحوا تنجيد بنت خالتك ده امتى
على طول هاتوصلنى بس عند ماما نسيب ادم لبسمة و اخد ماما و ننزلايه هاتسيبينى مع بسمه ليه هو انا عملت لك ايه يا مفترية
انتى هاتسيبى ادم لبسمة حرام عليكى يا مها
قولها يا اشرف ربنا يخليك ليا
امال اعمل ايه طيب اخده التنجيد يتبهدل يعنى
لأ طبعا بس اصل بسمه عندها مذاكرة و مش عايزين نعطلها
مذاكرة انت خايف عليها هى و انا اللى باحسبك خايف عليا روح يا شيخ الله يسامحك
لأ و لا يهمك هى النهارده ما عندهاش دروس الصبح
طب خلاص براحتك انا بس مش عايز مامتك تتكلم
لأ ما تقلقش ماما هى اللى قالت نسيبه مع بسمه
هى كل مصيبه بتحصل لى الوليه دى بتبقى سببها
ترن ترن ترن ترن
هاى يا مها ازيك
ازيك يا بوسى عامله ايه يا حبيبتى
ازيك يا ميدو
اهلا يا اختى
قول هاى لخالتو يا ميدو
مش متنيل بلا خالتو بلا زفت دى بت رخمه و بتقعد تغلس عليا كل ما اشوفها و اخر مره شخطت فيا كانت هاتصرعنى
هو ابنك لسه رخم برضه يا مها
يا ابنى اضحك بقى شايف بسمه بتقول عليك ايه
مش ضاحك دى بت غلسه . ايوه انا رخم يعنى هاجى ارخم منك ايه القرف ده
هى ماما فين
انا اهوه يالا بينا بقى علشان ما نتأخرش على التنجيد
استلمى بقى يا بطله و خللى بالك منه بصى لبسه و اكله فى الشنطة و لو عيط ابقى لاعبيه يا بسمه
باى يا ميدو
باى ايه دى ماشيه بجد استنى يا مها خدينى معاكى و النبى ما تسيبينيش مع البت دى عشان خاطرى
خلاص يا ميدو ما تعيطش يا بيبى
هاتاخدينى يعنى
و الله ما هاتأخر عليك
خديه و ادخلى اوضتك يا بسمه علشان يسكت و انتى يالا بينا طول ما هو شايفك قدامه هايعيط دلوقتى لما ننزل هايسكت
الهى ينتقم منك يا بعيده يا وليه ده انا حفيدك هو انا عدوك
و انتى يا بت رايحه فين استنى طب ابص عليها يمكن تكون دى اخر مره اشوفها يمكن تتوه و هى راجعه يا مها يا مها حرام عليكى انتى ما عندكيش قلب
ما تخرس بقى يا واد انت صدعتنى
خلاص بقى مضطر اسكت انا كمان صدعت بقالى ربع ساعه بعيط قلبى وجعنى من العياط
اوف اخيرا اتكتمت ده انت عيل زنان
انا لازم اطلب من اشرف يجيب لى موبايل بيسجل علشان اسجل اللى بتعمله فيا البت دى لما بيسيبونى معاها
انام شوية بقى
لا يا سيدى مش هافتح الكاميرا
ليه بس انا عايز اشوفك
يووووووه مش كفايه فتحت لك المايك و باكلمك ما تبقاش طماع بقى
ايه ده بتكلم مين البت دى انتى اتجننتى يا بت بتكلمى نفسك . ايه ده انا جعان
انت صحيت يا قلق
استغفر الله العظيم يا رب
ثوانى يا رامى اشوف ابن اختى اللى بيعيط و هاجى اكلمك تانى . بتعيط ليه يا بنى ادم انت
جعان يا تحفه افهمها لك ازاى دى
اوعى تكون عملت بي بى انا مش ناقصه قرف
ما عملتش بس جعان يا ظالمه اكلينى بقى . الله يسامحك يا مها
استنى اعملك السيريلاك و اكلك اما اشوف اخرة الشغلانه دى ايه ؟ بس افرد خلقتك شويه
مش مهم لو كان ليك حاجة عند الكلب . اهوه حلوة الضحكة دى اكلينى بقى
بتضحك طبعا مادام شوفت الأكل لازم تضحك ما انت همك على بطنك و طالع طفس
مش مهم المهم اكل
بص يا ادم خد العب بالدبدوب ده و مش عايزه اسمع حسك تانى
عادى المهم انى اكلت
ايه الصورة دى اللى انت باعتها لى انت بتستهبل يا رامىيخرب بيتك ايه الصورة دى يا بت
بسمه بسمه
ايوه يا ابيه
ايه ده انتى بتقفلى الصور ليه يا بت انتى
انا نازل رايح الشغل هى ماما راحت التنجيد
اه و مها راحت معاها و سايبين لى ادم
طب خللى بالك منه سلام يا شبيه خالك يا قمر
امشى يا اسمك ايه انت انا مش ناقص عكننه على الصبح
لمى نفسك انتى هاتغيرى قدامى انا صاحى يا بت طب اعمل ايه اعيط يمكن تحترم نفسها لأ انا اودى وشى الناحية التانية و خلاص
عالم ما عندهمش دم
بسمه
ايوه يا بابا
بابا بس ده مش صوت اشرف مين ده كمان اللى اسمه بابا
ايه ده هو ادم معاكى يا بسمه
اه يا بابا
ده جدو . الراجل ده طيب و بيحبنى
تعالى بقى يا حبيب جدك عشان نسيب البت القمر دى تذاكر
تذاكر ده انت نايم على ودانك و لا داريان بحاجة
انتى اكلتيه و غيرتى له يا بسمة
اه يا بابا اكلته بس ما غيرتلوش
طب تعالى يا استاذ اغير لك بقى
روح يا شيخ الله يسترك ده انا كان نفسى اغير بس كنت خايف من امنا الغوله دى لا تاكلنى لو عرفت انى عايز اغير
غيرنا و بقينا زى الفل اهوه تعرف يا أدم انك اجمل حاجة عملتها مها فى حياتها انا بحبك قوى
و انا كمان بحبك يا عم الحاج و الله
انت بتضحك لجدو حبيبك فين يتيه دلوقتى تيجى تشوف الضحكة الحلوة دى
ايه ده انت كشرت ليه لما جت سيرتها
يا عم افتكر لنا سيره عدله بقى هاتنكد عليا ليه
انت شكلك مش بتحب تيته يا ميدو هى صحيح غلسه و رخمه شوية
غلسه و رخمه قوى يا جدو و البت بسمه طالعه زيها
هما مش شويه هما كتير لكن هانعمل ايه لازم نستحملها و لا تحب نطلقها و لا اقلك تيجى نسجنها و نخلص منها و لا نسلط عليها حد يقتلها
انت بتضحك يا مجرم اللى يشوف كده يقول انك فاهم
الا فاهم ده انت بتقول اللى نفسى اعمله كله
ترن ترن ترن ترن
الظاهر ان ماما جت يا بطل
مش عايز اشوفها انا زعلان منها
ازيك يا بابا
اهلا يا حبيبتى
ميدو انا جيت
و النبى يا اختى بعد ايه انا مخاصمك و مش هاكلمك تانى
ايه ده انت بتعيط ليه . هو ماله يا بابا
و الله يا بنتى كان قاعد كويس و زى الفل دلوقتى
ده واد لئيم تلاقيه بيمثل عليكى
يا وليه اخرسى ربنا ياخدك و يريحنى منك بقى
يا بنتى خديه فى حضنك تلاقيه زعلان منك
حاضر يا بابا حقك عليا قلبى ما تزعلش و الله ما هاسيبك لوحدك تانى اضحكى لمامى بقى
ماشى علشان خاطر الراجل السكر ده بس
بالليل فى البيت دخلوا يناموا
مش لو روان بنت عمتو نهله معايا دلوقتى كنت
بس انتوا شكلكم مبسوطين طب و دينى لانكد عليكم زى ما بتنكدوا عليا
ايه ده انت بتعيط ليه دلوقتى
باعيط ليه ده انا هافضل كده للصبح علشان تبقى تعرفى تسيبينى مع اختك الرخمة و تسمعى كلام امك
طب نام علشان خاطر بابى حبيبك
مش نايم علشان تعرف تقلب لى الكارتون كل ما ابقى مندمج معاه و تجيب الماتشات الرخمه بتاعتك
زى ما بتنكدوا عليا انا كمان هاعرف انكد عليكم كويس قوى
---------------------------------------------------
ادم تعبان قوى
لأ بقى كده كتير كتير اوفر بجد يعنى
يعنى اصحى الاقيها بتلبسنى و اعديها لها
الاقيها مرة تانية بترضعنى و اقوم على الشرقه و انا هاموت و كل ده علشان ميعاد الرضعه جه و اقول معلش اول مرة تخلف و بتجرب فيا و اهى فى الاول و الاخر امى برضه
لكن اللى بيحصل دلوقتى ده مش ممكن اتحمله دى بتحمينى يا ناس فى حد يستحمى و هو نايم هى الميه هاتقطع و لا ايه
انا لو قومت لها هابلغ عنها
و بعدين بتحمينى من فوق بمية ساقعه و من تحت بمية سخنة و بتحمينى بهدومى
انتى شاربه حاجة و لا ايه يا مها
ايه ده انا مالى مش مركز انا كمان ليه و ايه اللى فى دماغى ده زى ما يكون توم و جيرى بيجروا ورا بعض فى راسى
و مش قادر افتح عينى خالص
هو ايه اللى بيحصل
احاول افتح عينى ابص على اللى بيحصل لى
ده مش الحمام هى مها بتحمينى فى اوضة النوم
> الحمد لله فتح عنيه يا اشرف
> يا ابنى حرام عليك ده انا قلبى كان هايقف الحمد لله بطلى عياط بقى يا حبيبتى
فى ايه بتعيطى ليه يا مها انت زعلتها و لا ايه
و مالكم داخلين فى بعض كده ما كل واحد يبعد عن التانى مش عارف اشوفكم كويس
الله ده اشرف واقف اتنين قدامى انا ايه اللى بيحصل لى بالظبط
> مها لفيه كويس و يالا بينا الدكتور قالى هايفتح كمان 10 دقايق
> يالا يا حبيبى سلامتك
الله يسلمك بس حد يفهمنى انا ايه اللى بيحصل لى ده و مال جسمى سخن كده ليه
عند الدكتور
> هاتى الولد يا مدام
> حاضر
حاضر يقولك هاتى الولد تقومى تدينى ليه عادى كده
طب هو مين ده اصلا علشان تدينى ليه
اه لو فايق لك دلوقتى كان زمانى عيطت و فرجت عليكم الدنيا
و انت خليك واقف كده اتفرج و هو بياخدنى
طب افرض خدنى و جرى دلوقتى . ارجع ازاى انا
> افتح بقك يا حبيبى
احنا هانستهبل يا راجل انت ايه البتاعه اللى بتحطها فى بقى دى
يا اشرف يا مها حرام عليكم انتوا بتتفرجوا عليا و الراجل ده بيحط العصايا فى بقى
> معلش يا حبيبى معلش
معلش ايه اعملى حاجة و النبى
> زوره فيه احتقان شديد قوى
زورو بتاع الكارتون
ايه ده بتحط ايه فى ودنى كمان يخرب بيتك
> حرارته مرتفعه على فكرة
> انا كنت باعمل له كمادات فى البيت
> مش كفايه اول ما تروحى قلعيه هدومه كلها و حطيه فى البانيو و ميه ساقعه مش سخنه
> حاضرحاضر ايه انتى اتجننتى . ميه ساقعه فى البرد ده . انتوا بتعذبونى و لا ايه
> ساعدينى بقى و قلعيه علشان اكشف عليه
تقلعى مين . اوعى تعمليها يا مها
يا مها احترمى نفسك بقى
يا اشرف اعمل حاجة بقى منك لله واقف بتتفرج عليا انت كمان
> اه صدره واضح انه تعبان شوية من نزلة البرد . على العموم انا هاكتب لك حاجة تريحه . هاتيه بقى نوزنه
نوزنه انتوا هاتبيعونى و لا ايه
> لأ وزنه مناسب قوى
طب كويس اهو الواحد اطمن على جسمه بدل ما كنت بافكر اعمل دايت زى مها
> اتفضلوا الروشته و ما تنسيش موضوع الميه الساقعه اول ما تروحى و لازم ياخد حقنه حالا
حقنهزى بتاعة التطعيم
مش كفايه الميه البارده . هى اكيد تيته اللى مسلطه الراجل ده عليا انا من ساعة ما دخلت له و انا باقول انه شبهها
فى الصيدليه
> يا دكتور لو سمحت عايزين الدوا ده
> اوك يا فندم
الحمد لله نسى الحقنه
> قوله عايزين حد يدى الحقنه لأدم
> اه و عايزين حد يدى الحقنه للولد
حرام عليكى ما هو كان ناسى بتفكريه ليه
> حاضر يا فندم
> اشرف روح انت امسكه و هو بياخدها انا مش هاستحمل
> ماشى . تعالى يا حبيبى
> ممكن حضرتك تقلعه لو سمحت
> حاضر
استنى يا اشرف فى بنات واقفين . يخرب بيتك اصبر طب ندخل اخدها جوه
> البامبرز لو سمحت
لأ كله الا كده احنا هانستهبل
> حاضر يا دكتور
هاتفضح يا اشرف البامبرز مش نضيف و البت البارده دى بتبص عليا
و خدت الحقنه ( شعور غبى ما يتوصفش )
> معلش يا حبيبى
معلش ايه بقى عمال اقولك ندخل جوه ندخل جوه و انت و لا انت هنا مش كفايه البت شافتنى و انا باعيط كمان
> تعالى يا قلبى . بالشفا يا روح مامى
يا شيخة انتى كمان مامى ايه و انا باعيط
وصلنا البيت
> روح املا له البانيو بتاعه ميه سقعه بسرعه يا اشرف
> حاضر
> و هاته اوضة النوم علشان ما ياخدش برد
يا مها و النبى بقى و الله ما هازعلك تانى
و مش هاعمل دوشة و هاسمع الكلام
و هانام لما تقولى لى نام
و هارضع من غير ما اغلبك
و هاغير هدومى من غير صوت
و هاضحك لتيته لما تيجى عندنا
بس بلاش الميه الساقعه علشان خاطرى
> الميه اهى قلعيه بقى
يا اشرف و الله مش هارخم عليك تانى
و هاتخمد بدرى و الله بعد كده و مش هاعيط تانى و انت نايم
> ما تعيطش يا حبيبى بقى
الميه ساقعه قوى
> و الله علشان تخف و تبقى جميل
> بس خلاص هاتى الفوطة بسرعه
> خلاص يا حبيى حقك عليا تعالى ارضع بقى علشان تاخد الدوا
مش راضع
> يالا يا حبيبى علشان الدوا
يا اشرف تعالى شوفه مش راضى يرضع
> ممكن تبطلى عياط طيب احنا مش خلاص اطمنا عليه
> ما هو مش راضى ياكل
طب انتى بتعيطى ليه دلوقتى ده انتى طلعتى حساسه قوى يا مها خلاص هارضع
> هات الدوا يا اشرف
ايه ده الدوا ده طعمه وحش قوى ده أوحش من اكل مها
> يالا بقى يا بطل علشان تنام و تصحى بكرة ان شاء الله زى الفل
انا فعلا عايز انام واضح انهم حاطين لى حاجة فى الدوا
مش مشكلة تصبحوا على خير بقى
ما نجيلكمش فى حاجة وحشة
ليست هناك تعليقات:
إرسال تعليق