جاى لك و ناسى ذكرياتى
هاحطم بايديا شريط حياتى
هاركع قدامك يا مولاتى
هاقدم فروض الولاء و الطاعه
ناوى اكون لك شماعه
تعلقى عليا همومك
هامسح بايدى شجونك
جايب فى ايدى اجمل ورد
جايلك و فى قلبى اصدق وعد
هاكون ليكى لوحدك بجد
ارضى عنى ابوس ايديكى
شايف الرضا ده فى عينيكى
ترجميه لكلام مسموع
قلبى مش ناوى الرجوع
مش هاكون لحد غيرك
مش هاسير الا فى سبيلك
اوعى ترفضى مش هاتحمل
مستحيل بعدك اكمل
ياااااااه بقى كل ده كلام عشانى
اخيرا رضى عنى زمانى
انا اللى باوعدك يا عمرى
انك هاتفضل شمسى و قمرى
ياااااااااااااااااااه
صدقتى كلامه برضه يا ابله
زيك زى غيرك هبله
برضه فى الاخر اقتنعتى
و لكلامه التافه سمعتى
ساذجة و الشيطان عماكى
قمر ايه اللى هاينور سماكى
انت مين
انا كيوبيد الحب المسكين
حتى لو كنت كيوبيد
مش هاصدق غير فريد
بيضحك عليكى صدقينى
لأ
استنى بس و اسمعينى
بس ما توقعش بينا
امشى و ابعد يالا عنا
اسمعى كلامه معايا
و احكمى بعده عليه
مش عايزك تبقى من ضمن الضحايا
يعنى هاتسمعنى ايه
انت يا ابنى حرام عليك
تكسر قلب المسكينة بايديك
هى راضية تكون ضحية
بلاش تكبر القضية
طب هى البنت عملت ايه
تكسر قلب سلمى ليه
للقلوب بقيت حرامى
سلمى
سلمى مين اعذرنى اصلى ما بقيتش افتكر الاسامى
هى دى مش زى اختك
و ممكن تترد لك فى بنتك
يا مولانا كبر دى بنات مش متربية
انما اختى تربية ايديا
مستحيل تعمل زيها
اختى بتصون نفسها
اختى بتحترم اهلها
من الاخر اختى بتخاف ربها
لكن الهانم دى عايزة تصدق
نفسها تحب و تعشق
كلامى قولته لغيرها كتير
فيه اللى كذبته و فيه اللى صدقت من غير تفكير
يا ابنى راجع تانى نفسك
يا ريتك انت تخليك فى نفسك
لسه عايزة تانى تسمعية
و لا ده كفايه عليكى
حتى اسمك كان ناسيه
خسارة فيه دموع عينيكى
اصل كلامه دخل قلبى
طب مش ممكن يتغير بسببى
لسه برضه هاتصدقى كلام التافه الامعه
ده انتى تستاهلى يلبسك على ضهرك بردعه
لسه ناوية تصدقى
ناوية تحبى و تعشقى
و لكدبه تانى هاتسمعى
يا بنتى حرام عليكى لعقلك يالا ارجعى
هو انت مش قولت النصيحة
انا برضه هابقى معاك صريحة
لو هو كان ناوى بيا يتسلى
فانا كنت ناوية اخده افرج عليه الشله
ناوية اغيظ بيه حد تانى
هافرس بيه حبيبى الاولانى
سابنى و راح لواحده صاحبتى
نسى اخلاصى و محبتى
لازم اذله و اكسر مناخيره
و يشوفنى سعيده مع غيره
و انا اللى حارق دمى عليكى
روحى يا شيخه ربنا ما يهديكى
ربنا ياخدكم كلكم
الهى و انت جاهى يذلكم
قال اله الحب قال
ما بقيتش لاقى فيكم كلام يتقال
ما عدتش تانى لواحده بالحق هاهمس
ده انا هاستقيل و اسرح بترمس
ليست هناك تعليقات:
إرسال تعليق